Haustferð
Liðsmenn hersins fara í haustferð á morgun. Farið verður eitthvert um landið, líklegast Vesturland. Herinn er verkfræði, hann herðir. Ég fer sjálfur enda stóð ég í þessu stappi á sama tíma fyrir ári. Félagsstarf er skemmtilegt og ég nærist á fólki. Haustferðin gengur út á það að stórfyrirtæki er heimsótt og það býður í mat eða kaffi og skoðunarferð, svo er farið í sund og svo annað fyrirtæki sem býður upp á stutta skoðunarferð og fyrirlestur og veigar, mat og partý. Svo koma allir í bæinn um 23.00. Svona er þetta, í skólanum skemmtir maður sér.
Umfjöllun fjölmiðla á íþróttum markast af dagskrárgerðamönnum og þeirra áhugamálum. Þar stendur RÚV fremst í flokki. Sjónvarp allra landsmanna gefur öllu séns enda ber þeim líklegast skylda til þess og sennilegast eru þeir með mestu fagmennina í vinnu. Háskólapróf er víst ákjósanlegast þegar sótt er um vinnu þar. Á hinni stöðinni sem sýnir fótbolta og golf og NBA er gaurar sem eru hressir og voru einu sinni í fótbolta eða með útvarpsþátt. Það er eftirsjá í Einari Bolla lýsandi körfuboltaleik.
Mogginn er botninnn. Mogginn eyðir óhemju pappír í fótbolta og golf, golf og fótbolta, fótbolta og gofl. Meistardeildin er góð en það er óþarfi að segja frá gangi leiksins frá upphafi til enda og kryfja sendingar ofan í kjölinn. Væri ekki betra að hafa íþróttafræðinga sem íþróttablaðamenn. Kannski er það fámennið sem ræður því að menn fara á einhvern hátt inn í íþróttablaðamennsku. Íþróttablöðin eru sjaldan fræðandi og sýna sjaldan þá flóru sem er í gangi. Er þetta leti?
Talandi um almennt röfl eins og þetta fyrir ofan þá vil ég mæla með Jónasi Bjarnasyni efnaverkfræðingi sem skrifar reglulega í DV. Það skiptir ekki máli um hvað Jónas skrifar, fiskveiðistjórnunarmál eða matvæli, alltaf stíllinn skemmtilegur og kryddaður með góðu orðfæri. Svona verðlaun fyrir það að hnjóta um greinar hans.
Annars hefur DV batnað til muna frá því fyrir svona þremur árum - þá var ég mun sneggri að flétta í gegnum blaðið.
AFMÆLI
Já, þá er það pabbi sem orðinn er árinu eldri rétt eins og ég varð um daginn. Eins og sómakærum syni þá óskaði ég honum til hamingju með daginn í morgun. Svo gauka ég að honum einhverjum glaðningi á eftir. Líklegast að það verði eitthvað lesefni sem hann hefur gaman af.
|
